!!! സ്വാമിയേ ശരണമയ്യപ്പാ !!!
പമ്പയും സന്നിധാനവും ശുചീകരിച്ച് വിശ്വഹിന്ദു പരിഷത്ത്‌...
ക്ലൂന്‍ ശബരിമലയ്ക്ക് 800 പേര്
ശബരിമല: വിശ്വഹിന്ദു പരിഷത്തിന്റെ സുവര്‍ണജയന്തി വര്‍ഷത്തില്‍ സേവനപ്രവര്‍ത്തനത്തിന്റെ ഭാഗമായി പ്രവര്‍ത്തകര്‍ ഞായറാഴ്ച പമ്പയും സന്നിധാനവും ശുചീകരിച്ചു. പരിഷത്തിന്റെയും യുവജനവിഭാഗമായ ബജരംഗദളിന്റെയും വനിതകളടക്കമുള്ള എണ്ണൂറിലേറെ പ്രവര്‍ത്തകരാണ് ശുചീകരണത്തിനെത്തിയത്.
പമ്പയില്‍ ശുചീകരണം വി.എച്ച്.പി. സംസ്ഥാന ഉപാദ്ധ്യക്ഷന്‍ കുമ്മനം രാജശേഖരനും സന്നിധാനത്ത് സംസ്ഥാന സംഘടനാ സെക്രട്ടറി എം.സി.വത്സനും ഉദ്ഘാടനംചെയ്തു. ഭരണസംവിധാനത്തെ മാത്രം ആശ്രയിക്കാതെ ശബരിമലയുടെ പവിത്രതയെ കാത്തുസൂക്ഷിക്കാന്‍ എല്ലാവരും യത്‌നിക്കണമെന്ന് കുമ്മനം പറഞ്ഞു. 423 കോടിയുടെ പമ്പ ആക്ഷന്‍ പ്ലൂന്‍ നടപ്പാക്കണമെന്ന് കുമ്മനം ആവശ്യപ്പെട്ടു.
ബോധവത്കരണത്തിനുകൂടി ഊന്നല്‍ നല്‍കിയാകും വരുംവര്‍ഷങ്ങളിലെ പ്രവര്‍ത്തനമെന്ന് സന്നിധാനത്തു നടന്ന ചടങ്ങില്‍ എം.സി.വത്സന്‍ പറഞ്ഞു.
സംസ്ഥാന സെക്രട്ടറി ഐ.ബി.ശശിധരന്‍, ബജരംഗദള്‍ സംസ്ഥാന കോ-ഓര്‍ഡിനേറ്റര്‍ പി.ജി.കണ്ണന്‍, ധര്‍മപ്രചാര്‍ സംസ്ഥാന പ്രമുഖ് സുധി, സഹസേവാപ്രമുഖ് വി.നാരായണനുണ്ണി, ശബരിമല അയ്യപ്പസേവാസമാജം ജോയിന്റ് ക്യാമ്പ് ഓഫീസര്‍ ശിവറാം തുടങ്ങിയവര്‍ സന്നിധാനത്തും വി.എച്ച്.പി. സംസ്ഥാന ഉപാദ്ധ്യക്ഷന്‍ കെ.ടി.ഭാസ്‌കരന്‍, ജോ. സെക്രട്ടറി എം.ആര്‍.വിജയകുമാര്‍ തുടങ്ങിയവര്‍ പമ്പയിലും സംസാരിച്ചു.
No comments:
Post a Comment