18 വർഷം മലചവിട്ടിയ സ്വാമി ഗുരുസ്വാമിയാണ്. എന്തുകൊണ്ടാണ് 18 വർഷം മലചവിട്ടിയ ഗുരുസ്വാമി അവിടെ തെങ്ങും തൈ നടുന്നത്..?

ഇത് കേവലം  ഒരു ആചാരം മാത്രമല്ല. എന്തൊക്കെയാണ് ഇതുകൊണ്ടർത്ഥമാക്കുന്നത് എന്ന് നോക്കാം..
തെങ്ങ്   എന്നത് ഒരു കൽപവൃക്ഷമാണ്.അതിൻറെ എല്ലാഭാഗങ്ങളും നമുക്ക് ഉപയോഗിക്കാവുന്നതാണ്. ഇങ്ങനെ മറ്റ് വൃക്ഷങ്ങൾക്കില്ലാത്ത ത്രയും പ്രത്യേകത തെങ്ങിനുണ്ട്. ഇതുപോലെ 18 വർഷം മലചവിട്ടിയ ഗുരുസ്വാമി സമൂഹത്തിന് ഒരു കൽപവൃക്ഷമായി മാറേണ്ടതാണ്. മലയിടുമ്പോൾ മാത്രമല്ല അല്ലാത്തപ്പോഴും ഈ ആചാര അനുഷ്ഠാനങ്ങൾ ജീവിതത്തിൽ പകർത്തിയിട്ടുണ്ടാകണം. സമൂഹത്തിന് ഒരു വഴികാട്ടിയായിരിക്കണം 18 വർഷം മല ചവിട്ടിയ അയ്യപ്പൻ . ലഹരിപദാർത്ഥങ്ങൾ ഉപേക്ഷിച്ച് മാതാപിതാ ഗുരുജനങ്ങളെ ബഹുമാനിച്ച് പ്രഭാതത്തിൽ ചെയ്യേണ്ടുന്ന കാര്യങ്ങൾ ചെയ്ത് അമ്പല ദർശനം നടത്തി സത്വ ഗുണം ഉണ്ടാക്കുന്ന കർമ്മങ്ങൾ മാത്രം അനുഷ്ടിച്ച് ലക്ഷ്യങ്ങളെ നേടിയെടുത്ത് ദാനധർമ്മാദികൾ നടത്തി ഈശ്വരന് വിധേയനായി ജീവിക്കേണ്ടതാണ്. ഓരോ വർഷം മലചവിട്ടുമ്പോഴും ഓരോ നല്ലകാര്യങ്ങൾ ജീവിതത്തിൽ പകർത്തുക. ഇങ്ങനെ ക്ഷമയും സഹനശക്തിയും സ്നേഹവും ബഹുമാനവും സമൂഹത്തിന് നൽകുകയും അതുവഴി സാമൂഹ്യസേവകനാകുകയും വേണം ഓരോ അയ്യപ്പനും.