വൈക്കത്ത് ദക്ഷിണാമൂര്‍ത്തി സംഗീതോത്സവം ജനവരി എട്ടുമുതല്‍...
കോട്ടയം: വൈക്കം മഹാദേവക്ഷേത്രത്തില്‍ ജനവരി എട്ടുമുതല്‍ പതിനൊന്നുവരെ രണ്ടാമത് ദക്ഷിണാമൂര്‍ത്തി സംഗീതോത്സവം നടത്തുമെന്ന് ഭാരവാഹികള്‍ പത്രസമ്മേളനത്തില്‍ പറഞ്ഞു.
500 കലാകാരന്‍മാര്‍ പങ്കെടുക്കും. സ്വന്തംജീവിതം സംഗീതാര്‍ച്ചനയ്ക്കായി സമര്‍പ്പിച്ച വി.ദക്ഷിണാമൂര്‍ത്തിയെ ആദരിക്കാന്‍വേണ്ടിയാണ് വര്‍ഷംതോറും ഇത് നടത്തുന്നത്. വോയിസ് ഫൗണ്ടേഷനും വൈക്കത്തെ കലാകാരന്‍മാരുമാണ് പരിപാടിയുടെ സംഘാടകര്‍.
ജനവരി എട്ടിന് വൈകീട്ട് അഞ്ചിന് തിരുവിതാംകൂര്‍ ദേവസ്വം ബോര്‍ഡ് പ്രസിഡന്റ് എം.പി ഗോവിന്ദന്‍ നായര്‍ സംഗീതോത്സവം ഉദ്ഘാടനം ചെയ്യും. മുതിര്‍ന്ന കലാകാരന്‍മാരെ ആദരിക്കും.
ദക്ഷിണാമൂര്‍ത്തി ഗാനേന്ദുചൂഡപുരസ്‌കാരം പി.ജയചന്ദനും സംഗീതസുമേരുപുരസ്‌കാരം എം.എസ് വിശ്വനാഥനും ശ്രീകുമാരന്‍തമ്പിക്കും സമ്മാനിക്കും. 25001 രൂപയും പ്രശസ്തിപത്രവും ഫലകവും അടങ്ങുന്നതാണ് പുരസ്‌കാരം.
ലാല്‍ഗുഡി കൃഷ്ണന്‍,ലാല്‍ഗുഡി വിജയലക്ഷ്മി,ഐശ്വര്യ വിദ്യാരഘുനാഥ്,മാവേലിക്കര പി.സുബ്രഹ്മണ്യം,ഭരത് സുന്ദര്‍,എന്നിവര്‍ വിവിധ ദിവസം സംഗീതക്കച്ചേരികള്‍ നടത്തും. പഞ്ചരത്‌നകീര്‍ത്തനാലാപനവും ഉണ്ട്.
സംഗീതാര്‍ച്ചനയില്‍ പങ്കെടുക്കാന്‍ ആഗ്രഹിക്കുന്ന കലാകാരന്‍മാര്‍ 9746480424 എന്ന നമ്പരില്‍ ബന്ധപ്പെടണം. കൂടുതല്‍ വിവരങ്ങള്‍ www.voicefoundation.in എന്ന ഇമെയില്‍ വിലാസത്തില്‍ അറിയാം.
വോയിസ്ഫൗണ്ടേഷന്‍ ഭാരവാഹികളായ ഈശ്വരയ്യര്‍,ആനന്ദ്,എ.എസ്.മനോജ് എന്നിവര്‍ പത്രസമ്മേളനത്തില്‍ പങ്കെടുത്തു.
No comments:
Post a Comment