കരിമ്പു പൂത്താൽ ഉടമ മരിക്കുമെന്നൊരു വിശ്വാസം ഇന്നും പലസ്ഥലങ്ങളിലും ഉണ്ട്. കരിമ്പിൻറെ തണ്ടാണ് ഉപയോഗിക്കുന്നത്. കരിമ്പിൻറെ ഇല കാലികൾക്ക് ആഹാരമായി നല്കുന്നു. വളരെ ഊർജ്ജം ആവശ്യമായ പ്രക്രിയയാണ് കരിമ്പ് പൂക്കുന്നത്. കരിമ്പ് പൂത്താൽ തണ്ടിൻറെ വളർച്ച നില്ക്കുകയും ഓല കരിയുകയും ചെയ്യും. കരിമ്പ് പൂക്കാതിരുന്നാൽ തണ്ടിൻറെ അമിത വളർച്ചയെ സഹായിക്കും.
സൂര്യൻറെ ഗതി ആധാരമാക്കിയാണ് കരിമ്പ് പൂക്കുന്നത്. ഏതെങ്കിലും ഒരു പ്രത്യേക രാത്രിയുടെ ദൈർഘ്യത്തിനനുസരിച്ചാണ് അതിനുള്ള കാലം തിട്ടപ്പെടുത്തുന്നത്. കരിമ്പിൻറെ ഇനത്തിനും വളരുന്ന സ്ഥലത്തിനുമനുസരിച്ച് ഈ കാലഗണന മാറുന്നു. മറ്റു ചെടികളിലും മനുഷ്യരിലും കണ്ടു വരുന്ന ജൈവഘടികാരമാണ് ചെടികളിലെ ഇത്തരം അവസ്ഥയെ നിയന്ത്രിക്കുന്നത്. ഈ പ്രവർത്തനം നടക്കാതിരിക്കണമെങ്കിൽ ചെടികളെ ഘടികാരം നോക്കാൻ അനുവദിക്കാതിരിക്കണം. കരിമ്പിൻറെ ജീവിതത്തിലെ ചില പ്രത്യേക രാത്രികളെ ശക്തമായ കൃത്രിമ വെളിച്ചം ഉപയോഗിച്ച് , അറിയാൻ കഴിയാതെയാക്കാമെങ്കിലും , രാത്രിയുടെയും പകലിൻറെയും ദൈർഘ്യം അറിയാൻ ചെടിയെ സഹായിക്കുന്ന മുകളിലത്തെ ഏതാനും ഇലകളെ നീക്കം ചെയ്യതും കരിമ്പ് പൂക്കുന്നത് തടയാം. ചില പ്രത്യേക രാസവസ്തുക്കൾ ഉപയോഗിച്ച് കരിമ്പ് പുക്കുന്നത് തടയുന്നുണ്ടങ്കിലും ഇത് ആരോഗ്യത്തിന് ഹാനികരമാണ്. ഇത്തരത്തിൽ കരിമ്പ് പൂക്കുന്നത് വിളവിനെ ബാധിക്കുമെന്നതാണ് കരിമ്പ് പൂത്താൽ ഉടമ മരിക്കും എന്നായി പരിണമിച്ചത്.
No comments:
Post a Comment