വൈശാഖ മഹോത്സവത്തിലെ നാല്‌ ആരാധനകളില്‍ മൂന്നാമത്തെ ആരാധനയായ രേവതി ആരാധന നാളെ നടക്കും.രേവതി ആരാധന ദിവസം പഞ്ചഗവ്യവും കളഭവും അഭിഷേകമാണ്‌ മുഖ്യ ചടങ്ങ്‌. അഭിഷേകവസ്‌തുക്കളുമായി എത്തുന്ന സംഘത്തെ തേടന്‍ വാര്യര്‍ കുത്ത്‌ വിളക്കുമായി ബാവലിപുഴക്കരയില്‍നിന്ന്‌ അക്കരെ ക്ഷേത്ര സന്നിധിയിലേക്ക്‌ ആനയിക്കും നാളെ ഉച്ചയ്‌ക്ക്‌ പൊന്നിന്‍ ശീവേലി നടക്കും.ശീവേലിക്ക്‌ശേഷം പന്തീരടി നിവേദ്യത്തോടൊപ്പം ആരാധനപൂജയും നടക്കും തുടര്‍ന്ന്‌ കുടിപതികള്‍,വാളശന്‍മാര്‍,കാര്യത്ത്‌ കൈക്കോളന്‍,പട്ടാളി എന്നിവര്‍ക്ക്‌ കേവിലകം കയ്യാലയില്‍ ആരാധന സദ്യ നടത്തും. സന്ധ്യയോടെ ബാബുരാളര്‍ സമര്‍പ്പിക്കുന്ന പഞ്ചഗവ്യം സ്വയംഭൂവില്‍ അഭിഷേകം നടത്തും. തന്ത്രി തിരുവത്താഴപൂജയ്‌ക്ക്‌ ശേഷമാണ്‌ പഞ്ചഗവ്യവും കളഭവും അഭിഷേകംചെയ്യുന്നത്‌. പാലമൃത്‌ വേക്കളം കരോത്ത്‌ നായര്‍ തറവാട്ടില്‍ നിന്ന്‌ എഴുന്നള്ളിച്ച്‌ ഉച്ചയോടെ പടിഞ്ഞാറെ നടയില്‍ എത്തിക്കും. പന്തീരടി കാമ്പ്രം സ്‌ഥാനിക ബ്രാഹ്‌മണന്റെ കാര്‍മികത്വത്തിലാണ്‌ പൂജ നടക്കുക.ഭഗവതി മുമ്പിലും ഭഗവാന്‍ പിന്നിലുമായാണ്‌ എഴുന്നള്ളിപ്പ്‌.
No comments:
Post a Comment